Bendoiro, Lalín

Bendoiro
	Igrexa de San Miguel de Bendoiro.
Concello	Lalín
Provincia	Pontevedra
Coordenadas	42°41′09″N 8°10′16″O / 42.6859672, -8.1710968
Área	5,8 km²
Poboación	294 hab. (2011)
Densidade	50,69 hab./km²
Entidades de poboación	10
	[ editar datos en Wikidata ]

Para outras páxinas con títulos homónimos véxase: Bendoiro.

San Miguel de Bendoiro é unha parroquia que se localiza no concello de Lalín. Segundo o IGE en 2011 tiña 294 habitantes (156 mulleres e 138 homes), distribuídos en 10 entidades de poboación, o que supón unha diminución en relación ao ano 1999 cando tiña 331 habitantes.

Nesta parroquia formouse a Banda de música de Bendoiro e naceu o sindicalista Luís Frade.

Patrimonio

O castro do Castriño confórmase a partir dun recinto de forma circular. Conserva un parapeto no sector S-SL, duns 100 m de lonxitude, cun foxo que completaría as súas defensas polo sur. Pódese observar outro segundo foxo cara ao leste e sueste. Entre os anos 2006 e 2008 foi obxecto de traballos arqueolóxicos que incluíron a escavación, por mor das obras de construción da liña do AVE. O sector norte deste recinto estaría arrasado -segundo os datos da intervención arqueolóxica-, debido a actividades agrícolas e forestais.^[2]

O castro de Bendoiro ten un único recinto, con forma lixeiramente ovalada. A coroa ten unhas dimensións, no eixo NL-SO, de 85 m (interior) por 110 m (exterior). No eixo NO-SE as medidas son 65 m (interior) e 105 m (exterior). Se se teñen en conta os elementos defensivos exteriores á coroa as medidas son: no eixo NL-SO uns 145 m e o eixo NO-SL de 120 m. No sector occidental, distínguense claramente unha superficie aterrazada cun pequeno parapeto de terra cunha disposición sur-norte. O recinto está defendido en todo o perímetro por un terraplén cun gran desenvolvemento cara ao norte. Os lados sur, leste e suroeste da coroa están defendidos cun parapeto de terra que non se observa nos sectores occidental e setentrional. No interior do recinto aprécianse varios afloramentos rochosos.^[3]

A igrexa parroquial de San Miguel de Bendoiro é de estilo renacentista sobre a antiga estrutura románica, garda a capela sepulcral dos Taboada.

Na arquitectura civil destaca o pazo de Bendoiro de Abaixo.

A capela da Santa Lucía é unha ermida de pedra na que destaca o campanario dun único arco rematado cun Agnus Dei, baixo o cal hai un nicho. Nela celébrase unha famosa romaría o 25 de decembro.

Lugares e parroquias

Lugares de Bendoiro

Lugares da parroquia de Bendoiro no concello de Lalín (Pontevedra)
Bendoiro de Abaixo \| Campo \| Castro \| A Empedrada \| A Igrexa \| A Laxe \| Pedrouzos \| Vilar do Río \| Vilasoa \| O Xubín

Parroquias de Lalín

Galicia | Provincia de Pontevedra | Parroquias de Lalín

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
↑ Ficha arqueolóxica do castro do Castriño de Bendoiro Arquivado 17 de outubro de 2019 en Wayback Machine..
↑ Ficha arqueolóxica do castro de Bendoiro Arquivado 17 de outubro de 2019 en Wayback Machine..

Véxase tamén

Outros artigos

Lugares de Lalín

Ligazóns externas

Bendoiro na web do concello de Lalín Arquivado 25 de abril de 2016 en Wayback Machine.

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[2] Ficha arqueolóxica do castro do Castriño de Bendoiro Arquivado 17 de outubro de 2019 en Wayback Machine..

[3] Ficha arqueolóxica do castro de Bendoiro Arquivado 17 de outubro de 2019 en Wayback Machine..

[1]

[2]

[3]